Ti ghe geri i anni 80???
Gera fine anni 70
De gassosa coca e fanta
Dopo riva i anni 80
Col Jin tonic che te schianta
Se correva in motoretta
Chi col Ciao chi coa vespetta
El ritrovo gera in bar
Par decider cossa far
SE partiva tutti quanti
Coi motori bei rombanti
Se coreva montai in do
Sensa casco ne paltò
I cavei aea venessiana
Cotonai come ea befana
Riga in mezzo aea padovana
Dritti e eonghi sua musana
Fioi e fie tirai a bain
Prima tappa el tabacchin
A domenega a baear
Dopo aver finio magnar
Ti rivavi casa aea sera
Co na faccia e brutta siera
Mamma e pare te spettava
Pronti a darte da pestada
Mi tè fatto e mi te desfo
Dopo si ti vanti un pesto
E sta tenta che al bisogno
Mi te ciappo anca a sonno
Gioventù de rochettari
Che sfidava i paninari
Moda e stii tutti diversi
Peccà i sia ormai ndà persi
No gavevimo l’iphon
Ma a cabina col getton
Se par caso no i te trovava
I veniva torte casa
Gera i anni dee compagnie
Che impeniva e pizzerie
Tavoeae de gioventù
Tutti a lezzerse el menù
No gavevimo pretese
Se no aver do schei pae spese
Par far el pien al motorin
E pà ndà a magnà un panin
Serve ore e tanto amor
E do bosse de liquor
Par contarle tutte quante
Sensa esse un fià pesante
Vogio darte un me parer
Varda indrio con gran piaser
Vedi no desmentegar
Sti anni andai da incoronar
