Ze Gennaio 2020
Semo qua tutti contenti
Festeggiemo el novo anno
Ancora ignari dell’inganno.
Co’ Febbraio a pandemia
E comincia l’agonia.
Semo tutti preooccupai
Par sti quattro degrassiai.
Se sa a Marzo, a vien daea Cina
Mascherine e Amuchina
Tutti quanti serai dentro
Par de viver su un convento.
Ad Aprile el bel Governo
Ne fa vive un vero inferno
Tra decreti e oridinanse
Chi che core ze ee ambuanse.
Riva Maggio e bea stagion
Tutti pronti a far el tampon
Chi lavora ze i ospedai
Tra maeai e intubai
Giungno invece par un fià meggio
Tanti parte par el campeggio
Ma i turisti ze rabbiai
E i alberghi mezzi serai.
Luglio riva quetto quetto
E co iu anca el sospetto
Qua i ne dize a verità
O invese i nà imbrogià??
Passa Agosto in fretta e in furia
E comincia a paura
Semo dentro o semo fora
Da sto Covid dea maeora?
Ecco qua… n’acceerada
Da settembre n’altra ondada
Riva ancora un ordinansa
Che ne cava ogni speransa.
A ottobre ancora dentro
E sfibrai da sto tormento
Sto Corona ancora qua
Coe varianti n’à fregà.
Semo qua co l’acqua aea goa
E Novembre no ne moa
Preoccupai su cossa far
Quando rivarà Nadal
A Dicembre se fa i conti
E se conta tutti i morti
Chi sto anno sa salvà
Pol sol dirse fortunà.
Spero tanto sta avventura
Sia servia a trovar na cura
e far sì d’esse più boni
coi puaretti e i barboni.
Posso dirte soeo questo
Vivi d’esso e moea el resto
Ogni giorno va vissuo
E fin in fondo và goduo.